高级搜索ꑭꋧꃅꎹ
  • ꇬꂾꁬꌠ
    首页
  • ꈨꏀ
    新闻
  • ꆈꌠꉙꌷ
    学彝语
  • ꈴꐪꑵꉙ
    行者音乐汇
  • ꊿꆁ
    民俗
  • ꌧꇐ
    文化
  • ꊿꄿ
    人物
  • ꁱꇐ
    文学
  • ꑵꉙ
    音乐
  • ꑵꐂ
    综艺
  • ꒌꍑ
    摄影
  • ꇮꇐ
    科技
  • 
    当前位置:首页 -> 文学

    ꑮꑟꅇꄜꑍꇁꌔꇬ

                       ꑮꑟꅇꄜꑍꇁꌔꇬ
                                  
                                      ꂵꉌꆀꈬ

     
          ꆈꌠꌧꇐꆹꀊꆨ ꅑꅸꀃꑍꑟꌠꃅ,ꁍꈼꇖꈌꊐ,ꀿꈼꌺꈌꊐꅷꇁꇬꎷꌠꉬ。ꑠꅺꑞꃅꇫꑌꂴꆽꊨꄻꉈꊨꃅꉉꊨꈌꊱꆺꀮꃅꉉ,ꂿꄹꉉꂿꉉꈌꄅꃨꀕꃅꉉꄷ,ꀺꇁꑳꃅꄉꇈꐮꅇꄜꉐꄜ,ꋬꂻꈨꅩꅪꃅꄉꄹꃥꀕꌋꑳꃹꅇꄜꌠꉬ。
           ꑮꑟꅪꏸꇬꆏ,ꀋꃋꑮꑍꒉ,ꀆꆽꈪꑍꒉꄷꄉ,ꂴꆽꋍꃢꑮꄉꈭꐨꑲꆀꊁꃅꑍꃅꉖꂄꑠꉔꌋꄉꀆꆼꈪꑠꑵ,ꄚꑮꃀꀆꆼꈪꋋꄻꉖꆏꑮꃀꑮꄮꇬꌟꃅꄹꃥꀉꑌꃅꀋꐛ,ꀋꁧꂛ ꇨꊨꈧꌠꌋꆀꊼꇅꌧꅍꂿꅍꐥꑠꈨꒉꑵ。
      ꀆꆼꈪꋋꄹꉖꆏ,ꋙ ꋠꂲꆾꆏꌠꂿꄷ ꈨꌠꄓꎸꄓꑎꄜ,ꋬꂻꈨꅪꄜ,ꌧꈿꁉꈿ,ꌒꃅꅇꌒꅇꄜꐮꇰꑵ。ꅺꌡꇬ:ꃥꌋꄰꆏ"ꅽꉪꑠꑍꁯ,ꄵꇓꈜꑍꏢ,ꇌꉘꐮꒉꌠꐮꁻ,ꑿꇁꐯꒈꌠꐮꁿ,ꌟ ꃅꃨꈹꃝꌠꐥ,ꌠꐧꏣꎹꃝꌠꐥ,ꌠꋋꅥꈿꃝꌠꐤ;ꅽꉪꑍꁯꆏꑌꑿꆫꅉꆫꌠꉬ,ꀋꃷꋃꆫꌠꉬ,ꆿꍯꃅꅉꃅꌠꉬ,ꀋꌣꀋꃰꃅꌠꉬ。
    ꌠꐧꏣꎸꃝꌠꉬꀑ,ꀋꑽꀋ ꋒꃝꌠꉬꀑ,ꉪꑌꌺꁨꆏꑮꒃ,ꑮꒃꆏꊿꇬ,ꎷꋩꎸꇬ,ꃅꆏꈛꄻ;ꈛꄻꊩꇖꀕ,ꆍꑌꅪꁦꆏꌐꏹ,ꁮꁨꆏꉗꅐ;ꊈꌱꃝꅉꈛꇁ,ꃺꑌꐝꅉꈜꎴꁧ,ꅽꃀꉢꋠꏬ,ꉠꃀꅽꍯꆗ,ꂴꆽꀎꇔꅺꃖꀕꌠꐮꅍꑌꇈꀑ,ꊂꏭꎮꆞꅪꐞꌠꐮ ꃝꇁꂯꑴꌦ,ꈌꎐꀴꇗꀕꌠꐮꅍꑌꇁꂯꑴꌦ,ꊯꅪꊂꏸꂯꌦ,ꊰꅪꊁꒃꂯꑴꌦ;ꀃꂰꄩꆹꃅꌒꄂꀋꅑ,ꄂꅑꉐꀋꊰ,ꉐꊰꊿꀋꌸ,ꊿꌶꊿꀋꈻ,ꐧꆹꐧꌒꆳꀋꁏ,ꆳꁏꊿꀋꌸ,ꊿꌶꊿꀋꌌ,ꀏꆹꈜꌒꇓꀋꎍ,ꇓꎍꑭꀋꋍ,ꑭꋋꑭꀋꆅ;ꃅꈎ ꊰꑋꈓꌋꇉꋋꈓꂄ,ꃅꆪꊰꑋꆪꌋꇈꋋꆪꂄ,ꃅꉖꊰꑋꉔꌋꇈꀃꂯꂄꀐ。ꑠꂰꌠꉦꀃꂯꑞꇬꀋꉾꑋꀋꐥ,ꀋꃪꂰꀋꐥ。"ꃅꄉꅇꄜꑵ。
       ꄹꃥꈧꌠꅇꀱꇬꆏ,"ꑲꉬꑴꇆ!ꆏꉉꎼꇁꅲꂿꅅꊌꑌꀱꂿꅅꀋꊌ,ꆏꉉꒉꃴꎭꈻꇊꒉꄩꅞꄉꅱꑟꁈ,ꆏꉉꌩꃴꎭꈻꇊꌩꐞꑐꄉꅱꑟꁈ,ꆏꉉꃪꃹꎭꈻꇊꃪꄩꅞꄉꅲꑟꁈ。ꉪꑌꀃꂰꉏꀑꂮꄉꎧꏸꅝꂰꇁ,ꇇꏢꂮ ꄉꀗ ꊪꌭꂯ ꇁ,ꎐꂷꏠꄉꉾꃥꑣꂯ ꇁꌠꉬꀑ!ꉪ ꑞꑠ ꑷꑌꎭꌠꉪꍒꈚꑷꉬ,ꃃꌠꉪꍒꑳꑷꉬ,ꅩꏷꌐꅍꎭꑱꉬ,ꌐꎔꋍꉻꐙꑷꉬ,ꇗꐾꃅꎬꑷꉬ,ꇣꋦꋍꉻꏁꑷꉬ,ꀃꂯꄩꆹꃅꌒꄂꀋꅑ,ꄂꅑꉐꀋꐛ,ꉐꐛꊿꀋꌸ,ꊿꌶꊿꀋꈻ,ꐧꆹꐧꌒꆳꀋꁏ,ꆳꁏꊿꀋꌸ,ꊿꌶꊿꀋꌌ,ꀏꆹꈜꌒꇓꀋꎍ,ꇓꎍꑭꀋꋍ,ꑭꋋꑭꀋꆅ,ꋋꑌꈜꀕꌒ,ꉆꈯꏜꒇꑌꑿꈇꇉꏿꑌꈜꀕꌒ,ꃤꃀꌩꋲꇢꇑꀉꍸꃆꄔꇫꑌꈜꀕꌒ,ꊊꆹꇂꁮꅐꎵꃀꏬꀕꀉꑐꄐꑌꈜꀕꌒ,ꆿꍯꌊꁈꄸꉺꆹꏮꑋꑌꈜꀕꌒ,ꑌꑿꌊꁈꐆꑻꆹꏮꑋꑌꈜꀕꌒ;ꀿꃀꈁꄅꄖꌺꇖꈩꃅꌒ,ꑠꃅꌠꉦꀃꂯ ꇱꇂꃎꒌꆍꅍꀋꆧꑋꀋꐥ。"ꄷꄉꅇꀱꃅꑠꑵ。
      ꋋꆹꀂꀺꀋꊨꆏꐭꉙꐯꀋꐊ,ꑋꀺꀋꊨꆏꄓꉗꐯꀋꐊ,ꑠꐛꅹꃅꄷꋍꈚꌠꋍꉙꃅꄉꌧ,ꊿꋍꂷꌧꐨꋍꑵꃅꄉꌧꑵꑴꂸ。

    大家都在看
    ꉡꐊꄉꆈꌠꉙꌷ ꏃꊰ
    ꉡꐊꄉꆈꌠꉙꌷꋍꊱꌠ
    ꉡꐊꄉꆈꌠꉙꌷ ꋍꉐ
    ꉡꐊꄉꆈꌠꉙꌷ ꋍꉐ
    双柏县彝语南部方言高
    相关视频

    ꑮꑟꅇꄜꑍꇁꌔꇬ

    2016-12-12 17:30:18 来源:
    摘要: ꑮꑟꅇꄜꑍꇁꌔꇬ ꂵꉌꆀꈬ ꆈꌠꌧꇐꆹꀊꆨ ꅑꅸꀃꑍꑟꌠꃅ,ꁍꈼꇖꈌꊐ,ꀿꈼꌺꈌꊐꅷꇁꇬꎷꌠꉬ。ꑠꅺꑞꃅꇫꑌꂴꆽꊨꄻꉈꊨꃅꉉꊨꈌꊱꆺꀮꃅꉉ,ꂿꄹꉉꂿꉉꈌꄅꃨꀕꃅꉉꄷ,ꀺꇁꑳꃅꄉꇈꐮꅇꄜꉐꄜ,ꋬꂻꈨꅩꅪꃅꄉꄹꃥꀕꌋꑳꃹꅇꄜꌠꉬ。 ꑮꑟꅪꏸ..
    评论
    0条评论
    帐号: 密码: (新用户注册)
    验证码
  • 手机APP
  • 微信公众号
  • 新浪微博
  • 凉广动态
  • |
  • 关于我们
  • |
  • 广告服务
  • |
  • 招聘信息
  • |
  • 联系我们
  • |
  • 节目评审
  • Copyright 2015-12-12 http://www.yizu.com
    凉山广播电视台 版权所有

    川公网安备 51340102000077号 蜀ICP备 05000842号 川新备 08-210013号

    凉山广播电视台新媒体中心